Ma ke kauwela o ka makahiki 2021 ma ka mahina o Iulai, ua huakaʻi nā haumana o ke kula kiʻekiʻe mai ke kula ʻo Ka ʻUmeke Kāʻeo i ka loko iʻa ʻo Kaumaui. Ua hui mākou me Hui Hoʻoleimaluō a komo ma ka papa SCI 295V.

Noho ʻo Kaumaui ma ka mokupuni ʻo Hawaiʻi, ma ke ahupuaʻa ʻo Waiākea, a me ʻili ʻāina ʻo Hilo nei. Ma ia wahipana, he mau loko iʻa ko loko o ia wahi, he loko wai nō ia. He pilina ma waena o ke kai me ia mau loko wai. He ilina wai i kahe ai mai ke kai mai lalo o ke alanui a hiki i ka loko wai o Kaumaui. He ʻekolu mau ʻano o ka poʻo wai, ʻo ka pūnāwai ʻoe, ʻo ke kai ʻoe, a ʻo ka ua ʻoe. Ua kilo ia ka ʻōpala, ka ʻūkele, nā ʻiʻa holo, nā iʻa kolo, nā  ōhaku, nā lāʻau, nā meakanu pua, ke kumu paniana, nā lau niu, nā lāʻau make, nā lāʻī, nā nāhelehele, a me nā niu pilau o loko o ka wai.

Ke hoʻolaulima mākou me Hui Hoʻoleimaluo no ka hōʻike ʻana i ke ana wai, ka papa o lalo, nā iʻa, me ke kaha ana i ka palapala āina ma “Waiana”. ʻO Waiana ka inoa i kapa ʻia no ka loko wai i ʻohi ʻikepili. Ke hana nei i kēiā hanana me Hui Hoʻoleimaluo no ka loaʻa ana i 3 mau ʻai no ke kulanui a no ka palapala i ke ola o ke kaiaola e kēia loko wai.